ڈنمارک میں قرآن پاک کی بے حرمتی غیرقانونی قرار دینے کا بل منظور

ڈنمارک کی پارلیمنٹ نے قرآن کی بے حرمتی غیر قانونی قرار دینے کا بل منظور کرلیا۔

خبر ایجنسی کے مطابق بل کو ڈنمارک کی پارلیمنٹ نے 94 ووٹوں کے ساتھ منظور کیا، 77 نے اس بل کی مخالفت کی۔

بل کے مطابق قرآن کی بے حرمتی کرنے والا مجر م قرار دیا جائے گا، قرآن کی بے حرمتی کرنے والے کو ایک یا دو سال تک جیل اور جرمانے کا سامنا ہوگا۔

یہ بھی پڑھیں: سویڈن میں قرآن پاک کو نذر آتش کرنے کے معاملے پر فسادات، جلاؤ، گھیراؤ، 40 زخمی

مبصرین کے مطابق ڈنمارک نے اس قانون کے ذریعے اپنے آزادی اظہار کے قانون اور قومی سلامتی کے درمیان توازن قائم کرنے کی کوشش کی ہے کیونکہ قرآن کی بے حرمتی کے واقعات سے دنیا بھر سمیت ڈنمارک کی مسلم کمیونٹی میں شدید تحفظات پائے جاتے تھے۔