جیل سے رہا ہوتے ہی بسیرو دیومائے افریقہ کے کم عمر ترین صدر بننے کیلئے تیار

ایک سال پہلے بہت کم لوگوں نے بسیرو دیومائے فائی کے بارے میں سنا تھا اور اب وہ صدر بننے کے لیے تیار ہیں۔

بسیرو دیومائے فائی کا غیر معمولی عروج سینیگال کی سیاست میں ایک رولر کوسٹر دور کی عکاسی کرتا ہے جس نے بہت سے لوگوں کو اپنی طرف متوجہ کیا۔

اتحادی اور کنگ میکر عثمان سونکو کے ساتھ بسیرو دیومائے فائی کی کئی ماہ قید کی سزا اچانک ختم ہو گئی اور دونوں کو صدارتی انتخابات سے ایک ہفتہ قبل رہا کر دیا گیا۔

44 سا؛پ بسیرو دیومائے فائی پیار سے ندیاگنیاو میں اپنی دیہی پرورش کو یاد کرتے ہیں، جہاں وہ ہر اتوار زمین پر کام کرنے کے لیے لوٹتے ہیں۔

دیہی زندگی سے ان کی محبت اور احترام سینیگال کی اشرافیہ اور اسٹیبلشمنٹ کی سیاست پر ان کے گہرے عدم اعتماد سے مماثلت رکھتا ہے۔

تجزیہ کار ایلیون ٹائن نے کہا کہ وہ کبھی وزیر نہیں رہے اور نہ ہی وہ سیاست دان تھے اس لیے ناقدین ان کے تجربے کی کمی پر سوال اٹھاتے ہیں۔

بی بی سی کے مطابق غربت، ناانصافی اور بدعنوانی کے خلاف جنگ بسیرو دیومائے فائی کے ایجنڈے میں سرفہرست ہے۔ محکمہ خزانہ میں کام کرتے ہوئے انہوں نے بدعنوانی سے نمٹنے کے لئے ایک یونین ٹاسک فورس تشکیل دی تھی۔

سینیگال کے نومنتخب صدر نے کہا ہے کہ وہ سی ایف اے فرانک کرنسی کو ختم کر دیں گے، جسے یورو کے برابر رکھا گیا ہے اور اسے سابق نوآبادیاتی طاقت فرانس کی حمایت حاصل ہے۔

بسیرو دیومائے فائی اس کی جگہ ایک نئی سینیگالی یا علاقائی مغربی افریقی کرنسی لانا چاہتے ہیں، حالانکہ یہ آسان نہیں ہوگا۔

بسیرو دیومائے فائی کے لیے یہ ایک قابل ذکر تبدیلی ہے جنہوں نے گزشتہ 11 ماہ بغاوت کے الزام میں جیل میں گزارے ہیں، جب کہ گزشتہ ماہ انتخابات میں نام نہاد پلان بی امیدوار کے طور پر ان کا اعلان کیا گیا تھا جو کرشماتی حزب اختلاف کے فائر برانڈ اوسمان سونکو کی جگہ لیں گے۔

دونوں افراد نے اب تحلیل ہونے والی پاسٹف پارٹی کی بنیاد رکھی جنہیں گزشتہ سال سیاسی محرکات کے الزام میں جیل بھیج دیا گیا تھا۔

مسٹر سونکو کو دو جرائم میں سزا سنائی گئی، جس کا مطلب تھا کہ انہیں انتخابات سے روک دیا گیا، لہذا بسیرو دیومائے فائی نے سینیگال کے الیکشن میں قدم رکھا اور نہ صرف سینیگل بلکہ 44 سال کی عمر میں افریقہ کے کم عمر ترین صدر منتخب ہونے والے ہیں۔