حسینہ واجد نے استعفیٰ دیا یا نہیں؟ بیٹے کا ایک اور بڑا دعویٰ

بنگلہ دیشی رہنما رہنے والی شیخ حسین واجد کے بیٹے سجیب واجد نے اپنی والدہ کے استعفیٰ سے متعلق انکشاف کیا ہے۔

حسینہ واجد کے بیٹے سجیب واجد نے واشنگٹن سے خبر رساں ادارے روئٹرز کو بتایا کہ ’میری ماں نے کبھی سرکاری طور پر استعفیٰ نہیں دیا کیونکہ انہیں وقت نہیں ملا تھا‘۔

انہوں نے ایک بیان دینے اور اپنا استعفیٰ پیش کرنے کا منصوبہ بنایا تھا لیکن پھر مظاہرین نے وزیر اعظم کی رہائش گاہ کی طرف مارچ کرنا شروع کر دیا۔

میڈیا رپورٹس کے مطابق بنگلہ دیش کی طویل عرصے سے بنگلہ دیشی رہنما رہنے والی شیخ حسینہ واجد نے رواں ہفتے بھارت فرار ہونے سے قبل وزیر اعظم کے عہدے سے استعفیٰ نہیں دیا تھا کیونکہ حکومت مخالف مظاہرین نے ان کی سرکاری رہائش گاہ پر مارچ کیا تھا۔

مزید پڑھیں:حسینہ واجد بنگلادیش کب جائیں گی؟ بیٹے نے بڑا دعویٰ کردیا

ان کا کہنا تھا کہ اگرچہ صدر نے فوجی سربراہان اور حزب اختلاف کے رہنماؤں سے مشاورت کے بعد پارلیمنٹ تحلیل کر دی تھی لیکن وزیراعظم کے باضابطہ طور پر مستعفی ہونے کے بغیر نگراں حکومت کی تشکیل کو عدالت میں چیلنج کیا جا سکتا ہے۔

انہوں نے مزید کہا کہ میری والدہ اب بھی بنگلہ دیشی آئین کے مطابق وہ اب بھی بنگلہ دیش کی وزیر اعظم ہیں۔

خیال رہے کہ بنگلہ دیش سے فرار ہونے والی حسینہ واجد پیر کے روز سے نئی دہلی میں پناہ لے رہی ہیں، جس کے بعد 17 0 ملین آبادی والے ملک میں ان کی 15 سال کی بلا تعطل حکمرانی کا خاتمہ ہوا۔