پاک فوج سے سینئر افغان افسران کو نکالے جانے کا انکشاف

وفاقی وزیر دفاع خواجہ آصف نے بطور وزیر دفاع دو تین ایسی فائلیں دستخط کیں جن میں ’لیفٹیننٹ‘ اور ’کیپٹن‘ رینک کے افغان شہریوں کو فوج سے نکالے جانے کا انکشاف کیا ہے۔

جیو اور ایکسپریس نیوز کے مطابق وزیر دفاع خواجہ آصف نے کہا کہ  دہشتگرد اس وقت افغان سرزمین میں مقیم ہیں، سوائے ان تین چار ہزار کے جن کو بانی پی ٹی آئی لائے تھے، اس کے لیے قومی اسمبلی کو بریفنگ بھی دی گئی تھی، 2022 کی بات ہے، اس کے بعد مزید نہیں آئے۔

انہوں نے مزید کہا کہ تحریک طالبان پاکستان کو لانے معاشی تباہی اور نوازشریف کو فارغ کرنے پر پوچھنا چاہیے، جنرل (ر) باجوہ ، سابق ڈی جی آئی ایس آئی فیض حمید اور بانی پی ٹی آئی پارلیمنٹ کو جواب دیں۔

انہوں نے کہا کہ افغانستان کے ساتھ کوئی نئے اصول طے نہیں کرنا چاہتے، جو ماضی گزرا ہے 30،40 سال کا اسے کلین بریک کیا جائے۔

وزیر دفاع کا کہنا تھاکہ گھر ہم بہت دفعہ گئے ہیں، گھراور جیل کاراستہ پتا ہے،ملک کی قسمت کا فیصلہ کرنے والے یہ کون ہوتے ہیں۔