قومی کرکٹرز کی کاکول میں جاری فزیکل ٹریننگ کی ایک جھلک

نیوزی لینڈ کیخلاف ٹی 20 سیریز اور ورلڈ کپ کے لیے کاکول کیمپ میں قومی کھلاڑیوں کی ٹریننگ اور مشقیں جاری ہیں۔

پاکستانی کرکٹرز اس وقت ایبٹ آباد کے علاقے کاکول آرمی بیس کے فٹنس کیمپ میں مصروف ہیں تاکہ آئندہ کھیلوں کے مقابلوں کی تیاری کی جاسکے۔

قومی ٹیم کے 29 کھلاڑی بشمول محمد عامر اور عماد وسیم اس وقت کیمپ میں مصروف ہیں جو 8 اپریل کو اختتام پذیر ہوگا۔

پاکستان کرکٹ بورڈ (پی سی بی) نے اپنے سوشل میڈیا پلیٹ فارمز پر ایک منٹ اور 19 سیکنڈ کا ٹیزر شیئر کیا جس میں اسکواڈ کی تفصیلات اور انٹرویوز شیئر کیے گئےجب کہ انٹرویو کی مکمل قسط جلد ہی ریلیز کی جائے گی۔