مقبول خبریں
جماعت اسلامی کا دھرنا ختم کرنے کا اعلان
جی ٹی وی ویب ڈیسک
09 اگست, 2024 11:19
وفاقی حکومت سے کامیاب مذاکرات کے بعد جماعت اسلامی نے مری روڈ پر 14 روز سے جاری دھرنا ختم کرنے کا اعلان کردیا۔
راولپنڈی سالڈ ویسٹ مینجمنٹ کی ٹیموں نے دھرنے کی جگہ کی صفائی کی جب کہ سائٹ پر موجود ساؤنڈ سسٹم اور دیگر آلات کو بھی سائٹ سے ہٹا دیا گیا تھا۔
جماعت اسلامی پاکستان نے بجلی کے نرخوں میں کمی اور انڈیپینڈنٹ پاور پروڈیوسرز (آئی پی پیز) کے ساتھ معاہدوں پر نظر ثانی سمیت مطالبات پر حکومت کے ساتھ کامیاب مذاکرات کے بعد دھرنا ملتوی کرنے کا اعلان کیا ہے۔
یہ اعلان راولپنڈی کے لیاقت باغ میں حکومتی مذاکراتی ٹیم کے ساتھ مذاکرات کے پانچویں دور کے اختتام کے بعد کیا گیا۔
امیر جماعت اسلامی حافظ نعیم الرحمان نے کہا کہ دھرنا ملتوی کر رہے ہیں لیکن ختم نہیں کر رہے، البتہ ریلی میں احتجاجی مظاہرے کو ملتوی کرنے کے فیصلے کا باضابطہ اعلان کریں گے۔
حافظ نعیم نے متنبہ کیا کہ اگر حکومت ہمارے مطالبات پر عمل درآمد کرنے میں ناکام رہی تو جماعت اسلامی دوبارہ دھرنا دے گی۔
انہوں نے مزید کہا کہ پارٹی آج اسلام آباد ہائی وے پر ایک ریلی نکالے گی جہاں مستقبل کے لائحہ عمل کا اعلان کیا جائے گا۔
متعلقہ خبریں
