مقبول خبریں
حماس کا فلسطینی حریفوں کے ساتھ ‘قومی اتحاد’ کے معاہدے کا اعلان
حماس نے اپنے فلسطینی حریفوں کے ساتھ قومی اتحاد کے معاہدے کا اعلان کردیا۔
ایک بیان میں حماس نے اعلان کیا کہ بیجنگ میں دیگر فلسطینی تنظیموں بشمول حریف فتح کے ساتھ "قومی اتحاد” کے لئے مل کر کام کرنے کے معاہدے پر دستخط کیے ہیں۔
حماس نے کہا کہ چین نے قومی اتحاد کے معاہدے کو جنگ بندی کے بعد غزہ پر مل کر حکمرانی کرنے کا معاہدہ قرار دیا ہے۔
چین کے وزیر خارجہ وانگ یی نے حماس کے سینئر عہدیدار موسیٰ ابو مرزوق، فتح کے ایلچی محمود الول اور 12 دیگر فلسطینی گروہوں کے سفیروں کی بیجنگ میں میزبانی کی۔
وانگ یی نے کہا کہ انہوں نے جنگ کے بعد غزہ پر حکمرانی کے لئے "عبوری قومی مصالحتی حکومت” قائم کرنے پر اتفاق کیا ہے۔
یہ بھی پڑھیں: خان یونس میں اسرائیلی حملے سے درجنوں فلسطینی شہید، ہزاروں انخلا پر مجبور
حماس رہنما نے دوران ملاقات کہا کہ آج ہم قومی اتحاد کے معاہدے پر دستخط کرتے ہیں کیونکہ اس سفر کو مکمل کرنے کا راستہ قومی اتحاد ہے۔
ابو مرزوق نے وانگ اور دیگر سفیروں سے ملاقات کے بعد کہا کہ ہم قومی اتحاد کے لیے پرعزم ہیں اور ہم اس کا مطالبہ کرتے ہیں۔