مقبول خبریں
سعودی سفیر کا قومی کرکٹ ٹیم کیلئے بڑا اعلان
سعودی سفیر نے ٹی ٹوئنٹی کرکٹ ورلڈکپ 2024 کے حوالے سے پاکستانی قومی کرکٹ ٹیم کے لیے بڑا اعلان کردیا۔
سعودی عرب کے سفیر نواف بن سعید احمد المالکی نے کہا کہ میں پاکستان کی خوشحالی اور ترقی کے لیے بھی دعا گو ہوں۔ سعودی سفیر کا کہنا ہے کہ آئی سی سی ٹی ٹوئنٹی ورلڈ کپ 2024 جیتنے پر پاکستانی قومی کرکٹ ٹیم اگلے سال حج پر ہماری شاہی مہمان ہو گی۔
مزید پڑھیں:آئی سی سی ٹی ٹوئنٹی پلیئرز رینکنگ جاری، پاکستانی کرکٹرز کونسے نمبر پر ہیں؟
انشاءاللہ پاکستانی قومی کرکٹ ٹیم ٹورنامنٹ جیتے گی ۔ پاکستانی عوام یقیناً ورلڈ کپ میں اپنی ٹیم کی کامیابی پر خوشی کا جشن منائیں گے
سعودی عرب کے سفیر نواف بن سعید احمد المالکی نے اپنے خصوصی ویڈیو پیغام میں آئی سی سی ٹی 20 ورلڈ کپ 2024 کے لیے پاکستانی قومی کرکٹ ٹیم کے لیے نیک خواہشات کا اظہار کیا ہے۔
سعودی سفیر کا کہنا ہے کہ پاکستانی قومی کرکٹ ٹیم کے اپنے بھائیوں کے لیے میرا پیغام ہے کہ انشاء اللہ آپ یہ ٹورنامنٹ جیتیں گے اور پاکستانی عوام یقیناً ورلڈ کپ میں اپنی ٹیم کی کامیابی پر خوشی کا جشن منائیں گے۔
واضح رہے کہ پاکستانی قومی کرکٹ ٹیم ٹی 20 ورلڈ کپ کا آغاز 6 جون کو ڈلاس میں میزبان ٹیم امریکہ کے خلاف کھیلےگی۔
اس کے بعد 9، 11 اور 16 جون کو بالترتیب بھارت، کینیڈا اور آئرلینڈ کے خلاف میچزکھیلے گی۔گروپ سٹیج کے بعد،گروپ کی دو ٹاپ ٹیمیں سپر 8 مرحلے کے لیے ویسٹ انڈیز جائیں گی۔