مقبول خبریں
وٹامن بی 12کی کمی ،ان علامات کو ہرگز نظر انداز نہ کریں
دنیا میں موجود تمام وٹامنز اورمعدنیات انسانی جسم کے ہر اعضا کی اہم ضرورت ہیں، اس لیے ہر وٹامن کو مناسب مقدار میں لینا اہم تصور کیا جاتا ہے۔
انہی وٹامنز میں سے ’وٹامن بی 12‘ بھی انسانی صحت کیلئے بہت اہمیت رکھتا ہے۔
چونکہ خوراک سے وٹامن بی 12 جذب کرنے کی صلاحیت عمر کے ساتھ ساتھ کم ہوتی جاتی ہے، لہذا عمر رسیدہ افراد میں اس کی کمی زیادہ عام ہے۔
وٹامن بی 12 کی کمی اکثر سنگین نتائج کا سبب بن سکتی ہے، لہٰذا اس وٹامن کو اس کی مقررہ مقدار میں لینا لازمی ہے۔
ذیل میں موجود علامات وٹامن بی 12 کی کمی کی وجوہات ہیں، ان علامات کو نظر انداز کرنا خطرے کا باعث بن سکتا ہے۔
تھکاوٹ
وٹامن بی 12 کی کمی کی پہلی علامت تھکاوٹ کا محسوس ہونا ہے۔ انسانی جسم کے خلیات کو مناسب طریقے سے کام کرنے کے لئے سب سے زیادہ ’وٹامن بی 12‘ کی ضرورت ہوتی ہے۔
وٹامن بی کی کمی سرخ خون کے خلیات کی پیداوار کو کم کرسکتی ہے جو آکسیجن کی فراہمی کو متاثر کرتا ہے۔
بینائی کمزور ہونا
وٹامن بی 12 کی کمی بینائی کے لیے ضروری عناصر کو بھی متاثر کرتی ہے جس کے نتیجے میں نظر کی کمزوری کا سامنا ہوسکتا ہے، ایک حالیہ طبی تحقیق کے مطابق اس وٹامن کے سپلیمنٹ کا لمبے عرصے تک استعمال نظر دھندلانے کا خطرہ کم کرتا ہے۔
چہرے پر پیلاہٹ آنا
آئرن کی کمی کی طرح وٹامن بی 12 کی کمی بھی چہرے کی جلد کو پیلا کردیتی ہے۔
اس کی کمی بیلیروبن(bilirubin) کی سطح کومتاثرکرتی ہے جو جلد اور آنکھوں کی سفیدی کو پیلا کردیتی ہے۔
سر درد
ہر وقت سرمیں درد رہنا بھی وٹامن بی 12 کی کمی کی اہم علامت ہے۔ وٹامن بی 12 کی مناسب مقدار لینا مائیگرین کے سر درد کی علامات کو بہتر بنا سکتا ہے۔
افسردگی کی کیفیت طاری رہنا
ہر وقت ڈپریشن اور بے چینی کی کیفیت کا طاری رہنا وٹامن بی 12 کی کمی کی علامت ہے۔
اس وٹامن کا کم ہونا آمائینو ایسڈ کی بلند سطح کا سبب بن سکتا ہے جسے ہوموسسٹین کہا جاتا ہے، جو اسٹریس کی وجہ بنتا ہے۔
معدے کے مسائل
متلی، قبض، سوزش، گیس اور دیگر معدے کے مسائل وٹامن بھی 12 کی کمی کی واضح علامات ہیں۔
ہڈیوں کی کمزوری
کیلشیئم اور وٹامن ڈی کی طرح، وٹامن بی 12 بھی ہڈیاں تشکیل دینے والے خلیات کے لیے اہم کردار ادا کرتا ہے۔ اس وٹامن کی کمی سے ان خلیات کے افعال متاثر ہوتے ہیں اور ہڈیوں کے بھربھرے پن کا خطرہ بڑھتا ہے، اس بیماری میں ہڈیاں کمزور، نازک یا بھربھری ہوجاتی ہیں جس کے نتیجے میں فریکچر یا ٹوٹنے کا امکان زیادہ ہوتا ہے۔
یہ پڑھیں : موسم سرما کی خاص خاص سبزیاں اور اس کے فوائد