امریکا: شارک کے حملے سے 3 افراد شدید زخمی

امریکی حکام کے مطابق ٹیکساس اور فلوریڈا کے ساحلوں پر شارکس نے تین افراد پر حملہ کر دیا ہے جو کہ شدید زخمی ہوگئے۔

حکام کے مطابق اس موسم گرما میں امریکہ میں اس طرح کے واقعات کی بڑھتی ہوئی تعداد میں اضافہ ہوا ہے۔

ساؤتھ پدرے جزیرے کے فائر چیف جم پیگ نے بتایا کہ جمعرات کو جنوبی پادرے جزیرے کے پانیوں میں شارک کی جانب سے تین افراد کو کاٹا گیا ہے۔

ساؤتھ پدرے جزیرے کے پولیس ڈپارٹمنٹ نے بتایا کہ جمعرات کی صبح تقریبا 11 بجے ٹانگ میں شارک کے کاٹنے کی اطلاع ملی۔

پولیس کے مطابق اس حملے میں ایک شخص ہلاک ہوا ہے پولیس اور فائر بریگیڈ کے اہلکاروں نے براؤنز ویل کے ویلی ریجنل میڈیکل سینٹر لے جانے سے قبل جائے وقوعہ پر اس کا علاج کیا تھا۔

مزید پڑھیں:مچھلی کا تیل رات میں بہترین نظر کے لیے فائدہ مند

خیال رہے کہ فلوریڈا کے سمرنا بیچ پر ایک شخص کو اس وقت شدید چوٹیں آئیں جب ایک شارک نے اسے اس وقت کاٹ لیا جب وہ گھٹنے تک گہرے پانی میں فٹ بال کھیل رہا تھا۔

وولوسیا کاؤنٹی بیچ سیفٹی کی عبوری ڈائریکٹر تامرا مالفرس نے بتایا کہ 21 سالہ شخص کو اسپتال لے جایا گیا ہے۔

قبل ازیں امریکی ریاست ہوائی کے ایک سرفر جنہوں نے ٹی وی اور جانی ڈیپ کی ’’پائریٹس آف دی کیریبین‘‘ سمیت فلموں میں بھی اداکاری کی تھی، شارک کے حملے میں ہلاک ہو گئے تھے۔

عہدہ داروں کے مطابق 49 سالہ تمایو پیری اتوار کے روز اوہو کے ملایکہانہ بیچ پر شارک کے حملے کے چند لمحوں بعد ہلاک ہو گئے تھے۔

ویب سائٹ ٹریکنگ شارکس کے مطابق رواں سال اب تک امریکہ میں شارک کے 28 حملے رپورٹ ہوئے ہیں۔ جمعرات کو ہونے والے حملوں کے علاوہ کم از کم تین دیگر حملے 2 جون سے ہو چکے ہیں، جن میں کیلیفورنیا کا ایک شخص بھی شامل ہے جو ایک بڑی سفید شارک کے حملے میں زخمی ہوا تھا اور ایک شخص ہوائی میں شارک کے ہاتھوں ہلاک ہو گیا تھا۔