قربانی کے لیے کراچی لائے جانے والے جانور چھین لیئے گئے

کراچی : قربانی کے لیے کراچی لائے جانے والے جانوروں کو نامعلوم افراد نے اسلحہ کے زور پر چھین لیا۔

قربانی کے لیے کراچی لائے جانے والے جانور اسلحے کے زور پر چھین لیے گئے۔ 25 لاکھ سے زائد مالیت کے 15 گائے بچھڑے کراچی لائے جارہے تھے۔ واقعے کا مقدمہ سہراب گوٹھ تھانے میں درج کرلیا گیا ہے۔

متاثرہ بیوپاری نے تھانے رپورٹ درج کرائی، بیوپاری کا کہنا تھا کہ تمام 15 مویشی قربانی کے لیئے دوڑ کی منڈی سے خریدے تھے۔ ٹرک پر سوار ڈراٸیور اور عملے کیخلاف شک کی بنإ پر مقدمہ درج کرادیا ہے۔ ٹرک پر سوار کلینڈر ملزمان سے رابطے میں تھا، پولیس چھینے گۓ مویشی بازیاب کروائے۔

سہراب گوٹھ پولیس نے مویشی منتقل کرنے والا ٹرک تحویل میں لے کر ڈراٸیور، کلینڈر سمیت تین افراد کو گرفتار کرلیا۔