مفاد پرست اکٹھے ہو گئے ہیں جو اقتدار کے بغیر زندہ نہیں رہ سکتے

اسلام آباد: عوامی مسلم لیگ کے سربراہ شیخ رشید کا کہنا ہے کہ مسلم لیگ ن میں ایک فارورڈ گروپ بننے جا رہا ہے۔ عمران خان کے خلاف الائنس کے کچھ لوگ حکومت میں آجائیں گے۔ ’وزارت مانگنا توہین سمجھتا ہوں‘۔

تفصیلات کے مطابق عوامی مسلم لیگ کے سربراہ شیخ رشید کا کہنا ہے کہ پختونخواہ کے لوگوں نے دوسری بار ایک جماعت کو ووٹ دیا ہے۔

انہوں نے کہا کہ مسلم لیگ ن میں ایک فارورڈ گروپ بننے جا رہا ہے۔ عمران خان کے خلاف الائنس کے کچھ لوگ حکومت میں آجائیں گے۔

شیخ رشید کا کہنا تھا کہ مفاد پرست اکٹھے ہو گئے ہیں جو اقتدار کے بغیر زندہ نہیں رہ سکتے۔ عمران خان نئی قیادت متعارف کروا سکتے ہیں۔ ’وہ جانتے ہیں انہیں لوگوں کی توقعات پر پورا اترنا ہے‘۔

انہوں نے کہا کہ چوہدری نثار میرا ساتھ چھوڑ گیا ورنہ ہم ایک تھے۔ ’طاہر القادری صاحب کا بھی مبارک باد کے لیے فون آیا تھا۔

شیخ رشید نے کہا کہ نومبر میں 66 سال کا ہو جاؤں گا، وزارت مانگنا توہین سمجھتا ہوں۔