مقبول خبریں
مسلم لیگ ن کو ہارون سلطان سے جان چھڑانی چاہیے , تہمینہ درانی
s6m7_5_ix
04 جولائی, 2018 15:44
لاہور: سابق وزیراعلیٰ پنجاب شہباز شریف کی اہلیہ تہمینہ درانی کا کہنا ہے مسلم لیگ ن کو ہارون سلطان سے جان چھڑانی چاہیے۔
تفصیلات کے مطابق مسلم لیگ ن کے صدر شہبازشریف کی اہلیہ تہمینہ درانی نے سماجی رابطے کی ویب سائٹ ٹویٹرپراپنے پیغام میں ن لیگی امیدوارہارون سلطان سے ٹکٹ واپس لینے کا مطالبہ کردیا۔
شہبازشریف کی اہلیہ نے کہا کہ ہارون سلطان مسلم لیگ ن کے لیے بےعزتی کا باعث بنے، انہوں نے پارٹی کی سیاسی پالیسی کے خلاف بیان دیا، ن لیگ کے قائد اورصدرمعاملے کا فوری نوٹس لیں۔
تہمینہ درانی کے مطابق خواتین ن لیگی امیدوارہارون سلطان کو ووٹ نہ دیں، وہ کسی صورت فلاح وبہبود اورترقی کے لیے بہترنہیں ہے۔
انہوں نے مزید کہا کہ ہارون سلطان عوام کاحقیقی نمائندہ نہیں ہے جوشخص53 فیصدآبادی کوبرابرنہیں سمجھتا اسے نا اہل ہونا چاہیے۔
سابق وزیراعلیٰ پنجاب کی اہلیہ نے ٹویٹرپر اپنے پیغام میں کہا کہ مسلم لیگ ن کو ہارون سلطان سےجان چھڑانی چاہیے جبکہ عوام ہارون سلطان کے جلسوں پرپابندی اورشکست یقینی بنائیں۔
واضح رہے کہ ہارون سلطان قومی اسمبلی کے حلقہ این اے 184 مظفرگڑھ سے ن لیگ کے امیدوار ہیں اور انہوں نے خاتون کو ووٹ دینا حرام قرار دیا تھا۔
متعلقہ خبریں
