منگل، 21-مئی،2024
( 13 ذوالقعدہ 1445 )
منگل، 21-مئی،2024

EN

قوم نے چوروں کے لئے رچائے گئے تماشے سے اظہار لاتعلقی کر دیا

14 جولائی, 2018 21:13

 پاکستان تحریک انصاف کے ترجمان فواد چوہدری نے کہا ہے کہ شہبازشریف کی پریس کانفرنس خفت مٹانے کی کوشش ہے۔

ان خیالات کا اظہار انھوں نے شہباز شریف کی پریس کانفرنس پر ردعمل دیتے ہوئے کیا۔ انھوں نے کہا کہ قوم نے چوروں کے لئے رچائے گئے تماشے سے اظہار لاتعلقی کر دیا۔

فواد چوہدری کا کہنا تھا کہ مجرم نوازشریف، مریم نواز ابوظہبی سے آ کر اڈیالہ پہنچ گئے، شہبازشریف چیئرنگ کراس پر بھنگڑوں سے لطف اندوز ہوتے رہے۔

انھوں نے کہا کہ شہبازشریف لالچ، دھمکیوں کے باوجود چار ہزارلوگ نہیں لاسکے، انھوں نے کل بڑے بھائی کو “نواز تیرے جانثار، سب فرار” کا پیغام دیا۔

فواد چوہدری نے کہا کہ شہباز شریف کی گفتگو شکست کا یقین چھپانے کی کوشش ہے، ملک میں پہلی بار شفاف انتخابات کے آثار پیدا ہوئے ہیں۔

پاکستان تحریک انصاف کے ترجمان نے کہا کہ شہبازشریف نےدھاندلی کا شورمچانا شروع کر دیا ہے، ایمپائرز سے مل کر کھیلنے والے میدان میں اترنے سے گھبرا رہے ہیں، العزیزیہ، فلیگ شپ ریفرنس میں شریفوں کا گھناؤنا چہرہ سامنے آئے گا۔

Leave a Comment

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Scroll to Top