مقبول خبریں
بازار نہ لیجانے پر بیوی نے شوہر کو چھت سے دھکا دیدیا
![بازار نہ لیجانے پر بیوی نے شوہر کو چھت سے دھکا دیدیا](https://urdu.gtvnewshd.com/wp-content/uploads/2024/06/Wife-and-Husband.jpg)
عراق کے دارالحکومت بغداد میں ایک خاتون نے بازار لے جانے سے انکار کرنے پر شوہر کو چھت سے دھکا دے دیا۔
میڈیا رپورٹس کے مطابق خاتون اپنی بہن کی شادی کی خریداری کیلئے بازار جانا چاہتی تھی تاہم شوہر نے شاپنگ پر جانے سے انکار کیا تو آگ بگولہ ہوگئی۔
خاتون شوہر کو بہانے سے گھر کی چھت پر لیکر گئی اور جا کر وہاں سے اُسے دھکا دے دیا، جس کی وجہ سے شوہر کے جسم کے کئی ہڈیاں ٹوٹ گئیں اور وہ شدید زخمی ہوگیا۔
معاملے پر آس پڑوس کے رہائشیوں نے پولیس کو اطلاع دی، جس پر پولیس نے زخمی کو اسپتال منتقل کیا۔
دوسری جانب بغداد پولیس نے سنگدل بیوی کے خلاف اقدام قتل کا مقدمہ درج کر کے اسے حراست میں لے لیا ہے۔