مقبول خبریں
سوشل میڈیا پر شاہد آفریدی کے برانڈز کے بائیکاٹ کا مطالبہ کیوں کیا جا رہا ہے؟
قومی کرکٹ ٹیم کے سابق کپتان شاہد آفریدی اس وقت ایکس پر سب کی توجہ کا مرکز بننے کے ساتھ ٹاپ ٹرینڈ بھی کر رہے ہیں۔
سابق کرکٹر ایک نہیں بلکہ کئی معاملات کی وجہ سے شدید تنقید کی زد میں ہیں، ایکس پر یونس خان کا تقریباً 3 سال پرانا ایک انٹرویو کلپ وائرل ہے جس میں شاہد آفریدی پر کپتان بننے کے لیے ٹیم میں پھوٹ ڈالنے کا الزام لگایا گیا۔
Shahid Afridi used the Holy Quran to take an oath against Younis Khan and forced teammates to do the same. Now he’s acting like a saint on Twitter and social media.. Afridi always play politics in cricket; he should be kicked out of (PCB) matters.
pic.twitter.com/yuWR9XZW7T— 𝗦𝗮𝘃𝗲 𝗣𝗮𝗸𝗶𝘀𝘁𝗮𝗻 𝗖𝗿𝗶𝗰𝗸𝗲𝘁 🇵🇰 (@HAIDER__56) June 18, 2024
ادھر شاہد آفریدی کے مداحوں کو اس وقت شدید دھچکا لگا جب لندن میں اسرائیل حامی گروپ نارتھ ویسٹ فرینڈز آف اسرائیل (این ڈبلیو ایف او آئی) نے اپنے ایکس اکاؤنٹ پر شاہد آفریدی کے ساتھ ایک تصویر شیئر کی۔
پوسٹ کی گئی تصویر میں شاہد آفریدی اسرائیلی حامی گروپ کے دو مظاہرین کے ساتھ کھڑے ہیں، ان میں سے ایک نے اپنے ہاتھ میں ایک پمفلیٹ پکڑا ہوا ہے جس میں لوگوں کو برطانوی حکومت پر غزہ میں قید اسرائیلی یرغمالیوں کی رہائی مانگنے کیلئے اپیل کی گئی ہے۔
یہ بھی پڑھیں: شاہد آفریدی کی اسرائیل حامی گروپ کیساتھ تصویر، معاملہ کیا ہے؟
اس بنیاد پر سوشل میڈیا پلیٹ فارم پر صارفین شاہد آفریدی کے کاروبار اور برانڈز کے مکمل طور پر بائیکاٹ کا بھی مطالبہ کر رہے ہیں۔
دوسری جانب اسرائیل کے حامی گروپ نے دعویٰ کیا ہے کہ شاہد آفریدی مانچسٹر میں منعقدہ احتجاج میں شریک ہوئے اور ہمارے مطالبے کی حمایت کی جس پر شاہد آفریدی نے وضاحتی بیان جاری کیا ہے۔
ٹی 20 ورلڈ کپ میں قومی ٹیم کی شکست پر شاہد آفریدی نے بابراعظم اور گرین شرٹس پر کڑی تنقید کی تھی، اس کے بعد یوٹیوبر عمران خان ریاض بھی سوشل میڈیا پر ان سے الجھ پڑے تھے اور ان پر سیاسی ہونے کا الزام عائد کیا تھا۔