یونان میں یہودی ریسٹورنٹ پر حملے کے الزام میں دو ایرانی نژاد پاکستانی شہری گرفتار

اسرائیل کی جانب سے الزام لگایا ہے کہ دو ایرانی نژاد پاکستانی شہریوں نے یہودیوں کو نشانہ بنانے کے لیئے اہداف اور تیاریاں مکمل کرلیں تھیں۔

یونانی پولیس نے یونان میں اسرائیلیوں اور یہودیوں کو نشانہ بناتے ہوئے ایک بڑے دہشت گردانہ حملے کی مبینہ سازش کو ناکام بنانے میں تعاون کیا ہے۔

اسرائیل میڈیا کے مطابق یونانی پولیس نے منگل کو دو ایرانی نژاد پاکستانی شہریوں کو گرفتار کیا ہے۔ جو مبینہ طور پر حملے کی منصوبہ بندی کر رہے تھے۔

اسرائیلی وزیراعظم کے دفتر (پی ایم او) نے ایک بیان میں کہا کہ گرفتار کیے گئے دونوں ایرانی نژاد پاکستانی شہری ایرانی دہشت گرد نیٹ ورک کا حصہ تھے۔

وزیر اعظم ہاؤس کے مطابق یہ ایک سنگین معاملہ ہے، جسے یونانی سیکورٹی فورسز نے کامیابی سے ناکام بنا دیا ہے۔ یہ ایران کی طرف سے بیرون ملک اسرائیلی اور یہودی اہداف کے خلاف دہشت گردی کی ایک اضافی کوشش تھی۔

وزیر اعظم دفتر کا کہنا تھا کہ یونان میں مشتبہ افراد کی تحقیقات کے آغاز کے بعد، موساد نے انفراسٹرکچر، اس کے کام کے طریقوں اور ایران سے تعلق کو کھولنے میں انٹیلی جنس مدد فراہم کی۔

یہ بھی پڑھیں : اسرائیل : عدالتی اصلاحات کیخلاف زبردست ہنگامے، نیتن یاہو نے وزیر دفاع کو برطرف کردیا

مزید کہا گیا کہ تحقیقات سے یہ بات سامنے آئی ہے کہ یونان میں کام کرنے والا انفراسٹرکچر ایران سے چلائے جانے والے اور بہت سے ممالک میں پھیلے ہوئے ایک وسیع ایرانی نیٹ ورک کا حصہ ہے۔

دو نامعلوم مشتبہ افراد، جن کی عمریں 27 اور 29 سال ہیں، مبینہ طور پر وسطی ایتھنز کے پولیس ہیڈ کوارٹر میں قید ہیں۔ تیسرا آدمی، جو یونان میں نہیں ہے، پوچھ گچھ کے لیے مطلوب ہے اور اس پر غیر حاضری میں فرد جرم عائد کی گئی ہے۔

یونانی پولیس نے کہا کہ مشتبہ افراد نے اعلیٰ علامت کا ہدف منتخب کیا تھا اور وہ حملے کی حتمی تیاریاں کر رہے تھے۔ ان کا مقصد نہ صرف معصوم شہریوں کی جانوں کا ضیاع کرنا تھا بلکہ عوامی اداروں کو نقصان پہنچانے اور (یونان کے) بین الاقوامی تعلقات کو خطرہ بناتے ہوئے ملک میں تحفظ کے احساس کو بھی نقصان پہنچانا تھا۔

ضبط شدہ معلومات اور ڈیجیٹل ڈیٹا کے تجزیے سے یہ بات سامنے آئی کہ نیٹ ورک کے ارکان نے پہلے ہی حملے کا ہدف منتخب کر لیا تھا، خاص اہمیت کی حامل عمارت؛ علاقے کی جاسوسی اور حملے کی منصوبہ بندی کی تھی؛ اور حملے کو انجام دینے کے لیے حتمی ہدایات موصول ہوئی تھیں۔