امریکی صدر ٹرمپ کا ہتھیاروں کے عدم پھیلاؤ کے معاہدوں سے نکلنے کا اعلان

انڈیانا پولس : دنیا کو اسلحے سے پاک کرنے کی کوششوں کی راہ میں امریکی صدر ڈونلڈ ٹرمپ بڑی رکاوٹ بن گئے۔

امریکی صدر ڈونلڈ ٹرمپ نے انڈیانا پولس میں نیشنل رائفل ایسوسی ایشن سے خطاب کرتے ہوئے کہا کہ امریکا کو ہتھیاروں سے متلعق معاہدے سے بھاری نقصان اٹھانا پڑا ہے۔

امریکا اپنی معیشت کو نقصان پہنچانے والے کسی عالمی معاہدے کو برداشت نہیں کرے گا، جلد ہی ان کی انتظامیہ معاہدے سے الگ ہونے کا نوٹی فکیشن اقوام متحدہ کو بھیج دے گی۔

امریکا اپنی دفاعی پیداوار میں مزید اضافہ کرے گا اور اسلحے کی مارکیٹ میں حریفوں کے کھلا چھوڑنے کی سابقہ حکومتوں کے احمقانہ فیصلوں سے الگ ہوجائے گا۔