الیکشن کمیشن نے وفاقی سطح پر پوسٹنگ ٹرانسفر پر پابندی لگا دی

اسلام آباد: الیکشن کمیشن نے وفاقی سطح پر پوسٹنگ ٹرانسفر پر پابندی لگا دی ہے۔

الیکشن کمیشن نے سیکرٹری اسٹیبلشمنٹ ڈویژن کو اس حوالے سے خط لکھ دیا ہے۔

خط میں کہا گیا ہے کہ قومی اسمبلی اور وفاقی کابینہ تحلیل ہو چکی ہے، نگراں سیٹ اپ کی تشکیل تک ہر قسم کی ٹرانسفر پوسٹنگ روک دی جائے۔

خط کا متن ہے کہ جلد نگراں وزیراعظم اور کابینہ کی تشکیل ہو جائے گی۔

خط میں کہا گیا ہے کہ نگراں حکومت کی تشکیل کے بعد قانون اور پالیسی کے مطابق ٹرانسفر پوسٹنگ کی جا سکتی ہے۔