ن لیگ کا وفاقی حکومت سے دستبردار ہونے کا فیصلہ، سعد رفیق کی تصدیق

مسلم لیگ (ن) نے پیپلز پارٹی اور پاکستان تحریکِ انصاف کے آزاد اُمیدواروں کو مخلوط حکومت بنانے کی دعوت دے دی۔

مسلم لیگ ن کے سینئر رہنما خواجہ سعد رفیق نے سماجی رابطے کی سائٹ ایکس پر پیغام جاری کرتے ہوئے کہا ہے کہ موجودہ قومی اسمبلی میں کسی پارٹی کو اکثریت حاصل نہیں ہے۔

انہوں نے کہا کہ حکومت کی تشکیل صرف(ن) لیگ کی ہی نہیں، تمام سیاسی جماعتوں کی ذمہ داری ہے۔

No one has absolute majority in the present National Assembly

The formation of the federal government is the joint responsibility of all the parties in the parliament, not the PML-N

Independent members supported by PTI should take the initiative, form a joint central government…

— Khawaja Saad Rafique (@KhSaad_Rafique) February 16, 2024

خواجہ سعد رفیق نے اپنے بیان میں پی ٹی آئی کے حمایت یافتہ آزاد اُمیدواروں اور پی پی کو حکومت بنانے کی دعوت دیتے ہوئے کہا کہ ’پاکستان تحریکِ انصاف کے آزاد اُمیدوار پیپلز پارٹی کے ساتھ مل کر مخلوط حکومت بنا لیں۔

سینئر رہنما نے مزید کہا کہ (ن) لیگ کو کانٹوں کا یہ تاج اپنے سر پر سجانے کی کوئی خواہش نہیں۔

ذرائع کے مطابق گزشتہ روز مسلم لیگ (ن) کے قائد نواز شریف کی زیرصدارت پارٹی اجلاس میں شرکا نے نواز شریف کو تجویز دی تھی کہ ہمیں وفاقی حکومت نہیں لینی چاہیے۔

 یہ بھی پڑھیں: نواز شریف کے زیرصدارت ہونے والے پارٹی اجلاس کی اندرونی کہانی سامنے آگئی

پارٹی رہنماؤں نے تجویز دی کہ پنجاب میں ن لیگ آزاد اراکین کے ساتھ مل کر آسانی سے حکومت بنا سکتی ہے، ہمیں صرف پنجاب پر توجہ مرکوز کرنی چاہیے۔