امریکی شہر لیوسٹن میں فائرنگ،22افراد ہلاک

امریکا کی شمال مشرقی ریاست مین کے شہر لیوسٹن میں مسلح شخص کی فائرنگ سے کم از کم 22 افراد ہلاک اور درجنوں زخمی ہو گئے ۔

امریکی میڈیا کے مطابق اس حملے میں کم از کم 22 افراد ہلاک اور 60 کے قریب زخمی ہوئے ہیں۔

لیوسٹن پولیس ڈپارٹمنٹ نے اپنے فیس بک پیج پر مشتبہ شخص کی ایک تصویر جاری کی ہے جس کا نام رابرٹ کارڈ ہے۔انہوں نے لکھا کہ ’کارڈ کو مسلح اور خطرناک سمجھا جانا چاہیے۔‘

ریاستی اور مقامی پولیس نے کہا کہ وہ ایک مشتبہ شخص کی تلاش کر رہے ہیں جو مفرور ہے۔ انہوں نے یہ نہیں بتایا کہ کتنے افراد ہلاک یا زخمی ہوئے ہیں،لیوسٹن میں تقریبا 39 ہزار افراد رہائش پذیر ہیں۔

مین اسٹیٹ پولیس نے سوشل میڈیا پلیٹ فارم ایکس پر کہالیوسٹن میں ایک سرگرم حملہ آور موجود ہے۔ براہ مہربانی اپنے گھر کے اندر دروازے بند رکھیں۔ قانون نافذ کرنے والے ادارے متعدد مقامات پر تحقیقات کررہے ہیں۔

مقامی اخبار سن جرنل کے مطابق مسلح شخص نے ایک بار، باؤلنگ گلی اور وال مارٹ ڈسٹری بیوشن سینٹر کو نشانہ بنایا۔

 یہ پڑھیں : 40 امریکی ریاستوں نے میٹا پر مقدمہ کردیا