ملک کے مخلف شہروں میں گرج چمک کے ساتھ بارش کا امکان

پاکستان میں مون سون بارشوں کا چوتھا اسپیل آج سے شروع ہوگا۔

محکمہ موسمیات کے مطابق آج نئے اسپیل میں کشمیر، شمال مشرقی پنجاب کے علاقوں سمیت اسلام آباد ڈویژن میں بارش کا امکان ہے۔

بالائی خیبرپختونخوا، گلگت بلتستان اور جنوب مشرقی سندھ میں بھی آندھی اور گرج چمک کے ساتھ بارش کی پیشگوئی کی گئی ہے۔

بارشوں کے نئے اسپیل کی پیشگوئی کے ساتھ پی ڈی ایم اے نے بھی موسمی صورتحال کے بارے میں متعلقہ انتظامیہ کو الرٹ جاری کر دیا۔

دوسری طرف کراچی میں بارش کے بعد بھی گرمی کی شدت برقرار ہے جب کہ سمندری ہوائیں تاحال بحال نہ ہونے سے کراچی میں ہیٹ ویو والی صورتحال ہے۔

محکمہ موسمیات کی جانب سے آج شہر قائد میں کہیں کہیں ہلکی بارش کا امکان بھی ظاہر کیا گیا ہے۔