مقبول خبریں
خانہ کعبہ کے سامنے سیاسی ویڈیو بنانے پر پی ٹی آئی رہنما گرفتار
مقدس مقام کو سیاسی فائدے کے لیے استعمال کرنے پر پاکستان تحریک انصاف (پی ٹی آئی) رہنما کو سعودی عرب میں گرفتار کرلیا گیا۔
پی ٹی آئی کراچی چیپٹر کے سینئر نائب صدر فہیم خان کو سیاسی مفادات کے لیے مقدس مقامات کو استعمال کرنے کی کوشش کے الزام میں سعودی عرب میں گرفتار کیا گیا۔
تحریک انصاف کے سابق رکن قومی اسمبلی کو خانہ کعبہ کے سامنے سیاسی ویڈیو ریکارڈ کرنے پر حراست میں لیا گیا۔
ایکس پر شیئر کی گئی ویڈیو میں فہیم خان بانی پی ٹی آئی عمران خان کے خلاف ‘جھوٹے پروپیگنڈے’ کا جواب دینے کی کوشش کی۔
میں مجبورا یہ بات کرنے جا رہا ہوں اور حالت احرام میں ہوں،آج میں خانہ کعبہ کے سامنے کھڑا ہوں اور حلف لے کر کہتا ہوں کہ عمران خان کے خلاف جھوٹا 9 مئی کا پروپیگنڈہ کیا گیا، عمران خان نے ہمیں کبھی ایسی تربیت نہیں دی جو لوگ 9 مئی کا الزام لگا رہے ہیں وہ یہاں خانہ کعبہ میں آکر حلف اٹھا… pic.twitter.com/fa9RX7Ljzh
— MNA Faheem Khan (@MNAFaheemPTI) August 27, 2024
ان کا کہنا تھا کہ ‘میں یہاں خانہ کعبہ میں ہوں اور میں یہ کہنا چاہتا ہوں کہ عمران خان نے ہمیں کبھی کسی تنصیب پر حملہ کرنے یا فوج کے خلاف بولنے کی ہدایت نہیں کی۔
پی ٹی آئی رہنما نے ویڈیو میں عمران خان کے 9 مئی کے فسادات میں ملوث ہونے کی بھی تردید کی۔
ویڈیو کے سوشل میڈیا پر وائرل ہونے کے بعد سعودی حکام نے پی ٹی آئی رہنما کو حراست میں لے لیا۔