پی ٹی آئی کو کراچی میں جلسے کی اجازت کیوں نہ مل سکی؟

پاکستان تحریک انصاف (پی ٹی آئی) کو ایک بار پھر ملک کے تجارتی دارالحکومت میں جلسے کی اجازت دینے سے انکار کر دیا گیا ہے۔

کراچی کے ضلع شرقی کے ڈپٹی کمشنر نے پاکستان تحریک انصاف (پی ٹی آئی) کو دوسری بار جلسے کی اجازت دینے سے انکار کردیا ہے۔

پی ٹی آئی کے مطابق  5 مئی کو باغ جناح میں جلسہ کرنے کا منصوبہ بنایا ہے۔ یہ ریلی اپوزیشن اتحاد تحریک تحفظ عین پاکستان کے بینر تلے نکالی جانی تھی۔

ذرائع کے مطابق اجازت نہ ملنے کے بعد اب پی ٹی آئی نے جلسے کی نئی تاریخ پر غور شروع کر دیا ہے۔

گزشتہ ماہ اسلام آباد ہائی کورٹ نے دارالحکومت کے حکام کو ہدایت کی تھی کہ وہ پاکستان تحریک انصاف کو جلسہ کرنے کی اجازت دیں۔

خیال رہے کہ اسلام آباد ہائی کورٹ کے چیف جسٹس عامر فاروق نے ضلعی انتظامیہ کو ہدایات جاری کرتے ہوئے کہا کہ ریلی کے لیے شرائط رکھ سکتے ہیں لیکن کسی کے اجتماع کا حق نہیں چھینا جا سکتا۔

اسلام آباد ہائی کورٹ کے چیف جسٹس نے ریمارکس دیئے کہ سب نے جلسے کیے ہیں۔ انتظامیہ کو چاہیے کہ وہ ریلی کے قواعد و ضوابط اور شرائط طے کرے۔

پی ٹی آئی کے وکیل رہنما شیر افضل مروت نے کہا کہ اب ہم 6 اپریل کو اسلام آباد میں جلسہ کرنا چاہتے ہیں۔ جس پر اسلام آباد ہائی کورٹ کے چیف جسٹس نے ریمارکس دیئے کہ آپ (پی ٹی آئی) صرف اس بات کا خیال رکھیں کہ تقریب کے دوران کوئی فساد نہ ہو۔