پاکستان میں گیس کا نیا ذخیرہ دریافت

صوبہ سندھ کے خیرپور لطیف بلاک میں گیس کا  نیا ذخیرہ دریافت ہوا ہے۔

یہ مثبت پیش رفت اس وقت سامنے آئی جب ملک اپنے قدرتی گیس کے ذخائر کو بہتر بنانے اور گھریلو توانائی کی ضروریات کو پورا کرنے کی کوشش کر رہا ہے۔

4 مئی کو کھدائی کا آغاز کرنے والے اس کنویں سے اب روزانہ 11.27 ملین مکعب فٹ گیس پیدا ہو رہی ہے۔

کنویں کی کھدائی کا عمل مئی 2024 میں شروع ہوا تھا جس سے اب روزانہ 11.27 ملین مکعب فٹ گیس پیدا ہو رہی ہے۔

حالیہ دریافت پاکستان پیٹرولیم لمیٹڈ (پی پی ایل) اور دو دیگر نجی کمپنیوں کا مشترکہ منصوبہ ہے۔

رپورٹ کے مطابق کمپنیوں نے اس پیش رفت سے پاکستان اسٹاک ایکسچینج (پی ایس ایکس) کو آگاہ کر دیا ہے۔

گیس کے اس نئے ذخیرے کی دریافت سے گیس کی پیداوار میں اضافہ متوقع ہے اور ممکنہ طور پر ملک کے لئے توانائی کی زیادہ مستحکم فراہمی میں مدد ملے گی۔