ماں نے کرائم شو سے متاثر ہوکر بیٹی کو بڑی سزا دیدی

بھارتی ریاست بہار کے ضلع مظفر پور کی ایک ماں نے مشہور کرائم شو سے متاثر ہوکر تین سالہ بچی کے بہیمانہ قتل کا انکشاف کیا ہے۔

بھارتی میڈیا رپورٹس کے مطابق سنگ بھارتی ریاست بہار کے ضلع مظفر پور میں تین سالہ بچی کی لاش ایک سوٹ کیس سے برآمد ہوئی جس کے بعد تحقیقات میں پریشان کن تفصیلات سامنے آئیں۔ تین سالہ بچی کی شناخت مٹھی کے نام سے ہوئی ہے جو سوٹ کیس میں مردہ حالت میں پائی گئی تھی۔

پولیس کی تحقیقات میں اس جرم کا سراغ اس کی ماں کاجل سے ملا جو واقعے کے بعد سے لاپتہ ہو گئی تھی۔ فرانزک ٹیموں کو ان کے گھر کے فرش، سنک اور چھت پر خون کے دھبے ملے، جس سے کاجل کے ملوث ہونے کا شبہ پیدا ہوا۔

کاجل کے شوہر منوج نے اپنی بیوی پر شک کرنے کے بعد پولیس میں رپورٹ درج کرائی، جس نے اسے بتایا تھا کہ وہ اپنی خالہ سے ملنے جا رہی ہے۔

موبائل فون لوکیشن ڈیٹا کا استعمال کرتے ہوئے پولیس نے کاجل کو اس کے بوائے فرینڈ کے گھر تک ٹریک کیا جہاں اسے گرفتار کرلیا گیا۔

پوچھ تاچھ کے دوران کاجل نے اعتراف کیا کہ وہ دو سال سے غیر شادی شدہ تعلقات میں تھی اور اپنے بوائے فرینڈ سے شادی کرنا چاہتی تھی۔