مسواک زیادہ بہتر ہے یا ٹوتھ برش؟ سائنس دانوں نے بتادیا

دانتوں کے مسائل کی بڑھتی ہوئی شرح کے درمیان منہ کی بیماریوں کی روک تھام اور علاج کے لئے موثر مصنوعات کی ضرورت میں اضافہ ہو رہا ہے۔

تاہم جدید فظان صحت کے آلات نے منہ اور دانتوں کی حفاظت کے لیے سب سے مؤثر طریقہ کار کو نظر انداز کیا جوکہ ایک مسواک ہے۔

عرب، عراقی، یونانی اور رومی معاشروں میں دانت صاف کرنے کے لیے مسواک عام تھا۔ ایک حالیہ کیمیائی تجزیے سے یہ بات سامنے آئی ہے کہ مسواک میں قدرتی اجزاء کی ایسی دولت پائی جاتی ہے جو ٹوتھ برش میں نہیں ہوتی۔

جانچ سے معلوم ہوا کہ مسواک میں ایسکوربک ایسڈ، ٹرائی میتھیلامین، کلورائڈ، فلورائڈ، سلیکا، رال اور سلواڈورن شامل ہیں، جو سوزش اور زخمی مسوڑھوں کو ٹھیک کرنے کی صلاحیت رکھتے ہیں۔

اس کے علاوہ یہ اجزاء دانتوں کے سخت ٹشوز کو دوبارہ معدنیات میں تبدیل کرنے، دانتوں کو سفید کرنے، بیکٹیریا کے خلاف رکاوٹ فراہم کرنے اور تھوک کے بہاؤ کو بڑھانے میں مدد کرتے ہیں۔

مسواک میں صحت بخش تیل، ٹینک ایسڈ، سلفر اور سٹیرول بھی شامل ہیں جو انفیکشن کو روکتے ہیں جب کہ اس کی اینٹی بو اور اینٹی سیپٹک خصوصیات دانتوں کی سڑن کو روک کر ذائقہ حس کو بہتر بناتی ہیں۔