ایران میں صدارتی انتخابات کے دوسرے مرحلے کا آغاز

ایران میں صدارتی انتخابات کے دوسرے مرحلے میں پولنگ کا آغاز ہوگیا ہے۔

سعید جلیلی اور مسعود پزشکیان کے درمیان ون ٹو ون مقابلہ جاری ہے، پولنگ ایرانی وقت کے مطابق صبح 8 بجے شروع ہوئی جو کہ شام چار بجے تک جاری رہے گی۔

ایران میں صدارتی انتخابات کے دوسرے مرحلے میں 6 کروڑ سے زائد ووٹرز کے لیے 60 ہزار پولنگ اسٹیشنز قائم کیے گئے ہیں۔

بیرون ملک مقیم ایرانی شہریوں کو 100 ممالک میں ووٹ ڈالنے کی سہولت فراہم کی گئی ہے۔

دوسرے مرحلے میں زیادہ ووٹ لینے والا امیدوار کامیاب قرار پائے گا، پہلے مرحلے میں کوئی بھی امیدوار 50 فیصد ووٹ لینے کی شرط پوری نہیں کرسکا تھا۔

مسعود پزشکیان نے 40 اشاریہ چار فیصد جب کہ سعید جلیلی نے 40 فیصد ووٹ حاصل کیے تھے۔

ایرانی سپریم لیڈرآیت اللہ خامنہ ای نے زیادہ ٹرن آوٹ ک واہم قرار دیا اور ایرانی عوام سے دوسرے مرحلے میں بڑھ چڑھ کر حصہ لینے کی درخواست کی ہے۔