ایران نے خلیج میں سمندری ڈرون کو قبضے میں لے کر چھوڑ دیا : امریکی بحریہ

واشنگٹن : ایران نے امریکی سمندری ڈرون کو قبضے میں لے لیا، امریکی افواج کے قریب آنے پر کسی ناخوشگوار واقعے سے بچنے کے لیئے اسے چھوڑ دیا۔

امریکی حکام نے کہا ہے کہ ایران کے اسلامی انقلابی گارڈ کور نے خلیج میں ایک امریکی سمندری ڈرون کو قبضے میں لے لیا ہے اور اسے لے جانے کی کوشش کی ہے، امریکی بحریہ کے جنگی جہاز اور ہیلی کاپٹر کے قریب آنے پر صرف بغیر پائلٹ کے جہاز کو چھوڑ دیا  گیا۔

یہ بھی پڑھیں : امریکی فوج نے اپنے مشہور ورک ہارس چنوک ہیلی کاپٹرز کا استعمال بند کردیا

منگل کو پیش آنے والا یہ واقعہ پہلی بار ہے، جب بحریہ کے مشرق وسطیٰ میں قائم 5ویں فلیٹ کی نئی ڈرون ٹاسک فورس کو ایران نے نشانہ بنایا ہے۔ مداخلت بغیر کسی واقعے کے ختم ہوگئی۔

5ویں فلیٹ کے ترجمان کمانڈر ٹموتھی ہاکنز نے بتایا کہ ہمارے ردعمل نے واضح کیا کہ یہ امریکی حکومت کی ملکیت ہے اور بین الاقوامی پانیوں میں کام کر رہی ہے اور اگر ضروری ہوا تو ہم کارروائی کرنے کا پورا ارادہ رکھتے ہیں۔

ہاکنز نے کہا کہ یہ واقعہ تقریباً چار گھنٹے کے بعد پرامن طور پر ختم ہوا، کیونکہ ایرانیوں نے ڈرون کے لیے ٹو لائن کو ہٹا دیا اور امریکی افواج کے قریب ہونے کی وجہ سے علاقہ چھوڑ دیا۔