مقبول خبریں
حزب اللہ نے اسرائیل پر 100 راکٹس اور 30 ڈرونز سے حملہ کردیا
لبنان کی مزاحمتی تنظیم حزب اللہ نے اسرائیل پر بڑے پیمانے پر ڈرون اور میزائل حملے کردیئے۔
عبرانی میڈیا کی رپورٹس کے مطابق حزب اللہ کی جانب سے اسرائیل پر الجلیل اور گولان کی پہاڑیوں پر کم از کم 100 راکٹ داغے گئے جبکہ 30 ڈرون حملے بھی کیے۔
صہیونی میڈیا نے اس کارروائی کو بڑے پیمانے کا حملہ قرار دیتے ہوئے الجلیل اور گولان کے بڑے علاقوں میں شہریوں کی حفاظت کیلئے سائرن بھی بجائے تاکہ لوگ محفوظ مقام پر منتقل ہوسکیں۔
مزید پڑھیں: کمانڈر کی شہادت؛ حزب اللہ کے حملے! اسرائیل میں کہرام مچ گیا
حزب اللہ کے حملوں کے نتیجے میں ابتدائی طور پر گولان میں صیہونی رجیم کی حساس فوجی تنصیبات کو وسیع نقصان پہنچا ہے۔
واضح رہے کہ گزشتہ روز لبنان کی حزب اللہ نے اپنے ایک سینئر فیلڈ کمانڈر کی شہادت کے بدلے میں مقبوضہ علاقوں پر بڑے پیمانے پر حملے کیے تھے جس سے کئی مقامات پر آگ بھڑک اٹھی تھی۔