حکومت کا پیٹرول اور ڈیزل پر لیوی بڑھانے کا فیصلہ

وفاقی حکومت نے پیترولیم مصنوعات پر لیوی میں اضافے کا فیصلہ کیا ہے۔

فنانس بل میں پیٹرول، ہائی اسپیڈ ڈیزل پر پیٹرولیم لیوی 10 روپے اضافے کے بعد 70 روپے مقرر  کرنے کی ترمیم کی گئی ہے جس کی بدولت آئندہ مالی سال 1281 ارب روپے وصول کیے جائیں گے۔

حکومت نے دیگر پیٹرولیم مصنوعات لائٹ ڈیزل آئل (ایل ڈی او) اور مٹی کے تیل پر 50 روپے فی لیٹر پیٹرولیم لیوی میں مزید ترمیم کی ہے۔

اس سے قبل حکومت نے فنانس بل میں پیٹرول اور ایچ ایس ڈی پر پی ایل بڑھا کر 80 روپے فی لیٹر کرنے کی تجویز دی تھی۔

اس کے علاوہ ہائی آکٹین پیٹرول، لائٹ ڈیزل آئل اور ای 10 پیٹرول سمیت دیگر مصنوعات پر لیوی 50 روپے سے بڑھا کر 75 روپے فی لیٹر کرنے کی تجویز دی گئی ہے۔

تاہم، کھانا پکانے کے مقاصد کے لئے بڑے پیمانے پر استعمال ہونے والے اعلی مٹی کے تیل (ایس کے او) کے لئے پی ایل ریٹ 50 روپے فی لیٹر برقرار ہے۔