مقبول خبریں
غزہ فلسطین کی سر زمین ہے اور رہے گی: ترجمان امریکی محکمۂ خارجہ
امریکی محکمۂ خارجہ کے ترجمان میتھیو ملر نےاسرائیلی وزراء کی جانب سے فلسطینیوں کوغزہ سے نکل جانے کے بیان کی مذمت کی ہے اور کہا ہے کہ غزہ فلسطینی سرزمین ہے اور رہے گی۔
میتھیوملر نے کہا کہ اسرائیلی وزرا کا بیان اشتعال انگیز اورغیرذمہ دارانہ ہے، حماس کا اب کوئی مستقبل نہیں، کوئی دہشتگردگروپ اب اسرائیل کیلئے خطرہ نہیں۔
امریکی محکمۂ خارجہ نےسوشل میڈیا پلیٹ فارم ایکس پر جاری بیان میں لکھاامریکا نے اسرائیلی وزراء سموٹریچ اور بین گویر کے اشتعال انگیز اور غیر ذمہ دارانہ بیانات کو مسترد کر دیا ہے، غزہ سے بڑے پیمانے پر فلسطینیوں کی نقل مکانی نہیں ہونی چاہیے۔
The United States rejects the inflammatory and irresponsible statements from Israeli Ministers Smotrich and Ben Gvir. There should be no mass displacement of Palestinians from Gaza.
— Matthew Miller (@StateDeptSpox) January 2, 2024
دوسری جانب ملائیشیا نےجنوبی افریقہ کی عالمی عدالت میں اسرائیل کیخلاف درخواست کا خیر مقدم کیا ہے ۔
ملائیشیا نے کہا کہ اسرائیل کیخلاف قانونی کارروائی احتساب کی جانب ٹھوس قد م ہے،تاہم جنوبی افریقہ نے غزہ میں اسرائیلی کارروائیوں کو فلسطینیوں کی نسل کشی قرار دیا تھا۔
درخواست کے مطابق اسرائیل کا مقصد فلسطینی قومی، نسلی اور نسلی گروہ کو تباہ کرنا ہے، اسرائیلی کارروائیاں اقوام متحدہ کے نسل کشی کنونشن کی خلاف ورزی ہیں۔
درخواست میں بتایا گیا کہ عدالت کو اسرائیل کو غزہ میں قتل عام بند کرنے کا حکم دینا چاہیے، تاہم جنوبی افریقہ نے بین الاقوامی عدالت انصاف سے جلد سماعت کا مطالبہ کیا تھا
یاد رہے کہ جنوبی افریقہ نے گزشتہ ہفتے اسرائیلی جرائم پر عالمی عدالت میں درخواست دائر کی تھی۔
یہ پڑھیں : اسرائیلی حکومت میں نیتن یاہو کی مقبولیت کاگراف انتہائی گرگیا