ملک بھر میں عید الاضحیٰ مذہبی جوش و جذبے سے منائی جارہی ہے

ملک بھر میں آج عید الاضحیٰ مذہبی جوش و جذبے اور عقیدت سے منائی جارہی ہے۔

دن کے آغاز پر ملک کے تمام چھوٹے بڑے شہروں اور قصبوں کی مساجد، عید گاہوں اور کھلے مقامات پر نمازِ عید ادا کی گئی۔ نماز عید کے موقعے پر ملک بھر میں مساجد اور عیدگاہوں کی سکیورٹی کے سخت انتظامات کیے گئے اور پولیس کی بھاری نفری ڈیوٹی پر مامور رہی۔

لاہور، کراچی، پشاور اور کوئٹہ میں نمازِ عید کے بڑے اجتماعات میں فلسطین کے مظلوم مسلمانوں اور ملکی سلامتی اور خوشحالی کیلئے خصوصی دعائیں کی گئیں بعدازاں قربانی کے سلسلے کا آغاز ہوا۔