بیجنگ میں سردی کا 72 سالہ ریکارڈ ٹوٹ گیا

چین کے دارالحکومت بیجنگ میں رواں ماہ سردی کا 72 سال کا ریکارڈ ٹوٹ گیا ہے۔

چین کے دارالحکومت بیجنگ میں دسمبر 1951 کے بعد رواں ماہ سب سے زیادہ درجہ حرارت صفر سے نیچے رہنے کا ریکارڈ بن گیا ہے۔

غیر ملکی میڈیا کے مطابق بیجنگ میں مسلسل 9 دن درجہ حرارت منفی 10 ڈگری سینٹی گریڈ سے نیچے رہا، یہ 1951 کے بعد سے پہلا موقع ہے جب بیجنگ میں منفی 10 درجہ حرارت 9 دن تک برقرار رہا۔

ایک رپورٹ کے مطابق رواں سال موسم اور درجہ حرارت کے حوالے سے بیجنگ کے لیے کافی شدید رہا ہے۔ یہاں کے باشندوں نے سردی کے علاوہ چھ ماہ قبل موسمِ گرما میں بھی 40 ڈگری سینٹی گریڈ کے ساتھ گرم ترین موسم کا تجربہ کیا تھا۔

اب موسم سرما میں بھی چین کو کم ترین درجہ حرارت کا سامنا ہے۔

اس کے علاوہ چین کے شمالی اور شمال مشرقی حصے شدید ٹھنڈ کی لپیٹ میں ہیں جب کہ بعض علاقوں میں درجہ حرارت منفی 40 ڈگری سینٹی گریڈ تک گرگیا ہے۔

میڈیا رپورٹ کے مطابق اس ماہ چین کے بیشتر حصوں میں سردی کی شدید لہر آئی، شدید سردی کی وجہ سے چین کے مرکزی صوبے ہینان میں نظام زندگی بری طرح متاثر ہوئی جہاں ہیٹ فراہم کرنے والے پلانٹ بھی بند ہوگئے۔

یہ پڑھیں : چین میں شدید زلزلہ،100 سے زائد افراد ہلاک