مقبول خبریں
امریکا کا اسرائیلیوں پر ویزا پابندی کا اعلان
واشنگٹن: امریکا نے پر تشدد کارروائیوں میں ملوث اسرائیلیوں پر ویزا پابندیوں کا اعلان کردیا ہے۔
ترجمان امریکی محکمہ خارجہ میتھیوملرنے کہا کہ اسرائیلی آبادکاروں کیساتھ فلسطینی بھی شامل ہونگے،اسرائیل مغربی کنارے میں اسرائیلی آبادکاروں کے حملوں کو روکے۔
میتھیوملرنے کہا کہ مغربی کنارے میں امن کو نقصان پہنچانے میں ملوث تمام اسرائیلی شامل ہونگے،فلسطینیوں پر حملوں میں ملوث اسرائیلی آبادکاروں کے ویزے منسوخ کردیے گئے، اسرائیلی حکومت نے آبادکاروں کے خلاف مناسب کارروائی نہیں کی۔
Today, I announced a new visa restrictions policy targeting individuals and their family members involved in or meaningfully contributing to actions that undermine peace, security, and stability in the West Bank. Violence against civilians will have consequences.
— Secretary Antony Blinken (@SecBlinken) December 5, 2023
انہوں نے کہا کہ فلسطینی رہنماؤں کو بھی چاہیے کہ مغربی کنارے میں اسرائیلیوں کے خلاف فلسطینی حملوں کو روکنے کے لیے مزید اقدامات کریں۔
انہوں نے کہا کہ موجودہ امریکی ویزا رکھنے والے اور تشدد میں ملوث کسی بھی اسرائیلی کو مطلع کیا جائے گا کہ ان کا ویزا منسوخ کردیا گیا ہے۔
میتھیو ملر نےمزید کہا کہ نئی پالیسی کے تحت پہلی پابندی منگل کو عائد کی جائے گی اور آنے والے دنوں میں مزید پابندیاں عائد کی جائیں گی۔
یہ پڑھیں : غزہ کے قصاب نیتن یاہو پر جنگی جرائم کا مقدمہ چلائیں گے:ترک صدر