امریکہ : افغان پناہ گزین پر چار مسلمانوں کے قتل کا الزام عائد

واشنگٹن : جیوری نے ایک افغان پناہ گزین کو چار امریکی مسلمانوں کو قتل کرنے کا ملزم قرار دے دیا گیا ہے۔

نیو میکسیکو کی ایک گرینڈ جیوری نے البوکرک میں ایک افغان پناہ گزین پر تین مسلمان مردوں کو گھات لگا کر فائرنگ کر کے قتل کے تین اور شواہد کے ساتھ چھیڑ چھاڑ کے چار الزامات پر فرد جرم عائد کی۔

برنیلیلو کاؤنٹی کی ایک جیوری نے افغان مہاجر محمد سید پر 25 سالہ نعیم حسین، 41 سالہ آفتاب حسین اور 27 سالہ محمد افضل حسین کے قتل کا الزام عائد کردیا ہے۔ پولیس کا کہنا ہے کہ سید نومبر 2022 میں چوتھے محمد احمدی کے قتل کا مرکزی ملزم ہے۔

یہ بھی پڑھیں : طالبان کو سفری پابندی سے استثنیٰ دیا جائے یا نہیں، اقوام متحدہ تقسیم، فیصلہ نہ ہوسکا

موبائل فونز کے شواہد نے استغاثہ کو سید کو تیسرے قتل سے جوڑنے میں مدد دی، جو کہ 5 اگست کو ٹرک کے کاروبار کے مالک نعیم حسین کا تھا۔

برنالیلو کاؤنٹی پراسیکیوٹر کے دفتر راؤل ٹوریس نے کہا کہ وہ احمدی کے قتل میں سید کے ممکنہ ملوث ہونے کی تحقیقات کے لیے پولیس کے ساتھ مل کر کام کر رہا ہے۔

انسانی حقوق کے گروپوں نے کہا ہے کہ قتل کا مقصد فرقہ وارانہ تھا، کیونکہ مقتولین میں سے 3 شیعہ تھے، جب کہ سید سنی ہے، تاہم مقتولین اور سید کو جاننے والے لوگوں نے گواہی دی کہ قتل کا تعلق بنیادی طور پر ذاتی جھگڑوں یا انتقام کی خواہش سے تھا۔