دیربالا میں مٹی کا تودہ مکان پر گرنے سے ایک ہی خاندان کے 12 افراد جاں بحق

دیر بالا میں مٹی کا تودہ مکان پر گرنے سے ایک ہی خاندان کے 12 افراد جاں بحق ہوگئے۔

حکام کے مطابق واقعہ دیر بالا کے علاقے پاتراک میں پیش آیا، جاں بحق افراد میں دو خواتین، ایک مرد اور 9 بچے شامل ہیں۔

پولیس اور امدادی ٹیموں نے واقعے میں جاں بحق ہونے والوں کی نعشوں کو ملبے سے نکال کر اسپتال منتقل کر دیا۔

دوسری جانب انتظامیہ کا کہنا ہے کہ رات بارش اور اندھیرے کے باعث ریسکیو آپریشن میں مشکلات کا سامنا رہا۔