مقبول خبریں
دودھ کی فی لیٹر قیمت میں 50 روپے کے بڑے اضافے کا امکان
مہنگائی سے پریشان عوام کے لیے دودھ کی فی لیٹر قیمت میں 50 روپے کا اضافہ بہت جلد متوقع ہے۔
صدر کراچی ڈیری اینڈ کیٹلرز فارمرز ایسوسی ایشن مبشر قدیر عباسی نے دودھ کی قیمتوں میں اضافے کا عندیہ دیتے ہوئے کہا ہے کہ دودھ کی فی لیٹر قیمت میں 50 روپیہ فی لیٹر کا اضافہ بہت جلد متوقع ہے۔
ایک بیان میں مبشر قدیر نے کہا کہ دودھ کی بڑھتی ہوئی پیداوری لاگت، مویشیوں کی بڑھتی قیمتیں، فی جانور کم پیداوار اور حکومتی عدم توجہی کی وجہ سے دودھ کی فی لیٹر قیمت میں اضافہ کیا جائے گا۔
ڈیری اینڈ کیٹلرز فارمرز ایسوسی ایشن کے صدر نے مطالبہ کیا کہ ضروری ہے کمشنر کراچی فوری طور پر دودھ کی پیداواری لاگت کے مطابق نئی قیمتوں کا نوٹیفکیشن جاری کریں۔
ان کا کہنا تھا کہ بصورت دیگر مورخہ 10 مئی سے اسٹیک ہولڈرز مشاورت کے بعد ازخود قیمتوں میں اضافہ کردیں گے۔