مقبول خبریں
اسرائیلی جارحیت سےغزہ میں گزشتہ 24گھنٹوں میں 113 فلسطینی شہید، 250زخمی
غزہ میں اسرائیلی جارحیت کا سلسلہ تین ماہ گزر جانے کے باوجود بھی جاری ہے،اسرائیل کے وحشیانہ حملوں میں غزہ میں گزشتہ 24گھنٹوں میں 113 فلسطینی شہید، 250زخمی ہو گئے ۔
حماس کے مطابق اسرائیل نے غزہ میں 200سے زائد تاریخی مقامات کو تباہ کردیاہے،تباہ شدہ مقامات میں مساجد ، گرجا گھر ، عجائب گھر اور اولڈ ہومز شامل ہیں،تاریخی عمارتوں کو نشانہ بنانا فلسطینیوں کی ثقافت اور ورثے کو مٹانے کی کوشش ہے۔
دوسری جانب اسرائیلی افواج نے وسطی غزہ کے دیرالبلح میں الاقصیٰ شہدا اسپتال پر ڈرون حملہ کردیا جس میں کئی مریضوں اور عملے کے افراد کا شہادتوں کا خدشہ پیدا ہو گیا ہے۔
فلسطینی وزارت صحت کی جانب سے دیرالبلح میں اسرائیلی حملے میں اب تک 8 فلسطینیوں کی شہادت کی تصدیق کردی ہے جبکہ عالمی ادارہ صحت نے 600 سے زائد مریضوں اور عملے کے لاپتا ہونے کا خدشہ ظاہر کردیا ہے۔
سماجی رابطے کی ویب سائٹ ایکس پر جاری ایک بیان میں عالمی ادارہ صحت نے کہا کہ غزہ کے علاقے دیر البلح میں الاقصٰی شہدا اسپتال پر اسرائیلی حملے کے بعد مریضوں اور طبی عملے کے 600 سے زائد افراد تاحال لاپتا ہے جن کی لوکیشن کے حوالے سے کوئی معلومات نہیں ہے۔
.@WHO has received troubling reports of increasing hostilities and ongoing evacuation orders near the vital Al-Aqsa Hospital in the Middle Area of #Gaza, which according to the facility’s director forced over 600 patients and most health workers to leave. Their locations are not… pic.twitter.com/Vzd9UWThNm
— Tedros Adhanom Ghebreyesus (@DrTedros) January 7, 2024
بیان کے مطابق غزہ میں اسرائیل کی بلا تفریق اور لگاتار بمباری کی وجہ سے عالمی ادارہ صحت کو 26 دسمبر سے اب تک چوتھی مرتبہ شمالی غزہ میں اسپتالوں کا اپنا دورہ منسوخ کرنا پڑ گیا ہے۔
دوسری جانب اسرائیلی فوج نےحزب اللہ کے حملے میں فضائی کنٹرول بیس کو نقصان کا اعتراف کرلیا ہے،حزب اللہ نے اسرائیلی سرحد کے قریب ماؤنٹ میرون بیس پر راکٹوں سے حملہ کیا،، اسرائیلی فوج کا کہنا ہے کہ بیک اپ سسٹم موجود ہے اور فضائی دفاع ابھی بھی کام کررہا ہے۔
وزارت صحت غزہ کے مطابق 7اکتوبر سے شہید فلسطینیوں کی تعداد22ہزار800سے زائد ہوگئی،تاہم اسرائیلی حملوں میں 58 ہزار400 سے زائد فلسطینی زخمی ہیں۔