مکمہ مکرمہ میں شدید گرمی سے 577 حجاج جاں بحق

مکہ مکرمہ میں درجہ حرارت 50 ڈگری سینٹی گریڈ سے تجاوز کرنے سے تقریباً 577 حجاج جاں بحق ہوگئے۔

مکہ مکرمہ کے مضافاتی علاقے المعیسم اسپتال سے حاصل ہونے والے اعداد و شمار کے مطابق اس سال حج کے دوران شدید گرمی کی وجہ سے کم از کم 550 عازمین جاں بحق ہوئے۔

خبر رساں ادارے اے ایف پی کے مطابق اب تک متعدد ممالک کے شہریوں کی اموات کی مجموعی تعداد 577 تک پہنچ گئی ہے۔

دو سفارت کاروں نے اپنے ممالک کے ردعمل کو مربوط کرتے ہوئے انکشاف کیا کہ جاں بحق ہونے والے زائرین میں 323 مصری تھے، جن میں سے زیادہ تر گرمی کے باعث جاں بحق ہوئے ہیں۔

سفارت کاروں کا کہنا ہے کہ کم از کم 60 اردن کے شہری بھی جان بحق ہوئے ہیں جب کہ عمان کی جانب سے سرکاری اعداد و شمار میں 41 شہیریوں کی اموات کا ذکر کیا گیا ہے۔

سعودی عرب کے قومی موسمیاتی مرکز کے مطابق مکہ مکرمہ میں پیر کے روز درجہ حرارت 51.8 ڈگری سینٹی گریڈ تک جا پہنچا تھا۔

یہ بھی پڑھیں: 

شدید گرمی سے اب تک کتنے حجاج جاں بحق ہوئے؟

الجزائز سے تعلق رکھنے والی 130 سالہ خاتون معمر ترین حاجی بن گئیں

گزشتہ سال حج کے دوران کم از کم 240 عازمین کے حج جاں بحق ہونے کی اطلاعات موصول ہوئی تھیں جن میں سے زیادہ تر انڈونیشیا کے شہری تھے۔

سعودی حکام کے مطابق رواں سال تقریبا 18 لاکھ عازمین نے حج کی سعادت حاصل کی جن میں سے 16 لاکھ کا تعلق بیرون ممالک سے ہے۔