مقبول خبریں
موت کا خوف ، 20 اسرائیلی فوجی اپنے ہی ساتھیوں کی فائرنگ سے ہلاک
تل ابیب: غزہ میں زمینی کارروائیوں کے دوران اسرائیلی فوج اتنی خوف زدہ ہے کہ اپنے ہی ساتھی اہلکاروں پر گولیاں چلا رہی ہے۔
اسرائیلی میڈیا کے مطابق اسرائیلی فوج نے اپنے بیان میں کہا کہ فرینڈلی فائر اور آپریشنل حادثات میں اپنے ہی ساتھیوں کی فائرنگ سے 20 اسرائیلی فوجی ہلاک ہوگئے ہیں۔
اسرائیلی فوج کے بیان کے مطابق 13 فوجی فرینڈلی فائرنگ میں مارے گئے، کچھ اسرائیلی فوجی اپنے ہی ڈرونز اور ہیلی کاپٹر سے فائرنگ کی زد میں آئے۔
اسرائیلی فوج کے مطابق کچھ اسرائیلی فوجی ٹینک کے فائر کی زد میں بھی آئے،فوجی بیان میں مزید کہا گیا ہے کہ غزہ کی زمینی لڑائی میں اب تک 105 فوجی مارے گئے ہیں۔
رپورٹ کے مطابق ان اعداد و شمار سے ظاہر ہوتا ہے کہ اسرائیلی فوج غزہ میں کس قدر بوکھلاہٹ کا شکار ہے اور بزدلی، پست ہمتی اور ذہنی دباؤ کے باعث اپنے ہی ساتھی اہلکاروں کو گھبراہٹ میں نشانہ بنا رہے ہیں۔
یاد رہے کہ اسرائیل نے فضائی حملوں کے بعد غزہ میں گھس کر زمینی کارروائیوں کے لیے اپنی برّی فوج بھیجی ہے جسے کئی محاذ پر حماس کے ہاتھوں کا شکست اُٹھانا پڑی ہے۔
یہ پڑھیں : اسرائیلی فوجی اڈے پر پرُاسرار ڈکیتی، 60 ہزار ڈالر کی گولیاں چوری