فلم ’ججمنٹل ہے کیا‘ کے پوسٹر پر چربہ کا الزام عائد

ممبئی: بالی ووڈ کی معروف اداکارہ کنگنا رناوت کی نئی فلم ’ججمنٹل ہے کیا‘ پر چوری کا الزام سامنے آگیا۔

ہنگری سے تعلق رکھنے والی فن کارہ فلورہ بورسی نے کہا ہے کہ ’ججمنٹل ہے کیا‘ کا پوسٹر ہوبہو اس کے پوسٹر کا چربہ ہے۔ پوسٹر میں کنگنا رناوت کے آدھے چہرے کے آگے سیاہ بلی بیٹھی ہے۔

ان کا کہنا تھا کہ بھارتی فلم سازوں کی حرکت نامناسب ہے، اگر انہیں اس کے فن کی نقل کرنی ہی تھی تو پہلے اخلاقی طور پر اجازت لینی چاہیے تھی۔