حساس دفاعی معلومات ہزاروں ڈالرز میں فروخت ہونے کا انکشاف

امریکی فوج کے انٹیلی جنس تجزیہ کار نے چین کو حساس دفاعی معلومات 42ہزار ڈالرز کے عوض فروخت کرنے کا اعتراف کیا ہے۔

امریکی محکمہ انصاف کی جانب سے جاری بیان میں کہا گیا ہے کہ انٹیلی جنس تجزیہ کار شولٹز نے قومی دفاعی معلومات حاصل کرنے اور افشا کرنے کی سازش سمیت بغیر لائسنس کے دفاعی سامان سے متعلق تکنیکی ڈیٹا ہزاروں ڈالرز میں فروخت کرنے کا اعتراف کیا ہے۔

مزید پڑھیں:ایران اسرائیل پر کب حملہ کرے گا؟ امریکا نے بڑی پیشگوئی کردی

خبر رساں ادارے ’اے ایف پی‘ کے مطابق فروخت کردہ حساس معلومات میں امریکی ہتھیاروں کے نظام اور فوجی حکمت عملی اور حکمت عملی سے متعلق دستاویزات بھی شامل ہیں۔

پولیس کے مطابق انٹیلی جنس تجزیہ کار سارجنٹ کوربین شولٹز کو مارچ میں کینٹکی-ٹینیسی سرحد پر واقع ایک فوجی اڈے فورٹ کیمپبیل سے گرفتار کیا گیا تھا۔

دستاویزات کے مطابق شولٹز نے ہانگ کانگ میں رہنے والے ایک شخص کو درجنوں حساس امریکی فوجی دستاویزات فراہم کیں جن کے بارے میں ان کا خیال تھا کہ ان کا تعلق چینی حکومت سے ہے۔

خیال رہے کہ محکمہ انصاف کے مطابق انہیں معلومات فراہم کرنے کیلئے 42 ہزار ڈالر ادا کیے گئے تھے۔