آسانی سے پیسہ کمانے کیلئے ٹک ٹاک کا نیا فیچر متعارف

ایسے صارفین کے فالوورز کی تعداد کم از کم 10 ہزار ہونا ضروری ہوگی جبکہ ایک سال کے دوران ویڈیو ویوز ایک لاکھ ہونے کی شرط بھی عائد کی گئی ہے۔ ٹک ٹاک کی جانب سے سبسکرپشن کی 3 کیٹیگریز کی پیشکش کی جائے گی۔

ٹک ٹاک کے ایک ترجمان نے بتایا کہ کریٹیرز اپنے سبسکرائبرز کو خصوصی مراعات بھی فراہم کرسکیں گے جس سے انہیں زیادہ کمانے کا موقع ملے گا۔

سبسکرپشن صارفین کو اپنے پسندیدہ کریٹیرز کے خصوصی مواد، چینلز اور اسٹیکرز تک رسائی کے لیے ماہانہ فیس ادا کرنا ہوگی۔

کریٹیرز براہ راست اپنے سبسکرائبرز سے چیٹ کرسکیں گے۔ سبسکرپشن فیچر کو برازیل، فرانس، جرمنی، اسپین، برطانیہ، انڈونیشیا، اٹلی، جاپان، جنوبی کوریا اور امریکا میں متعارف کرایا جا رہا ہے۔

کمپنی کی جانب سے آنے والے ہفتوں یا مہینوں میں دیگر ممالک میں بھی اس فیچر کو متعارف کرایا جائے گا۔