سابق کرکٹر شعیب اختر نے بھی گھوٹکی کی نمرتا کے حق میں آواز بلند کردی

قومی کرکٹ ٹیم کے سابق فاسٹ بولر شعیب اختر نے نمرتا کماری کو انصاف دینے کا مطالبہ کردیا

سماجی رابطے کی ویب سائٹ ٹوئٹر پر فاسٹ بولر شعیب اختر نے نمرتا کماری کی موت پر انتہائی دُکھ اور غم کا اظہار کیا۔

Extremely sad & hurt sad reading about the suspicious death of young innocent girl, Nimrita Kumari.
I hope the justice is served and the real culprits are found. My heart beats with every Pakistani no matter what faith he/she belongs to. Rest in Peace. #JusticeForNimrita pic.twitter.com/2nJMmpMRp8

— Shoaib Akhtar (@shoaib100mph) September 17, 2019

ہیش ٹیگ ’ #JusticeForNimerta ‘ کا استعمال کرتے ہوئے سوشل میڈیا صارفین نمرتا کو انصاف دلانے کے لیے آواز اُٹھا رہے ہیں۔

میڈیکل کی طالبہ کے لیے جہاں دیگر شعبہ ہائے زندگی سے تعلق رکھنے والے افراد اپنے ٹوئٹس کے ذریعے اپنی رائے دے رہے ہیں۔

وہیں شعیب اختر نے بھی اپنے ٹوئٹ میں لکھا کہ اُنکا دل ہر پاکستانی کے ساتھ دھڑکتا ہے اس سے قطع نظر کہ وہ کس عقیدے سے تعلق رکھتا ہے۔

مزید پڑھئیے: نمرتا کیس : پولیس نے دو طالب علموں کو گرفتار کرلیا

پسِ منظر

شہید محترمہ بینظیر بھٹو میڈیکل یونیورسٹی لاڑکانہ کے ماتحت بی بی آصفہ ڈینٹل کالج میں سال آخر کی طالبہ نمرتا امرتا مہر چندانی کی لاش کالج ہاسٹل میں ان کے کمرے سے ملی تھی۔

جس پر کہا گیا تھا کہ طالبہ نے خودکشی کی ہے جبکہ ابتدائی پوسٹ مارٹم رپورٹ میں بھی موت کی وجہ خودکشی قرار دی گئی ہے۔

یونیورسٹی وائس چانسلر انیلا عطاءالرحمٰن نے نمرتا کی گردن پر پائے جانے والے نشان کوخود کشی قرار دیتے ہوئے کہا کہ وجوہات جاننےکے لیے پرنسپل چانڈکا میڈیکل کالج کی سربراہی میں کمیٹی قائم کردی ہے۔

پولیس نے واقعے پر تحقیقات کا آغاز کردیا ہے اور نمرتا کی ساتھی طالبات اور دیگر افراد کے بیانات قلمبند کیے ہیں۔

نمرتا کا خاندان ان کی موت پر غم سے نڈھال ہے۔

طالبہ کے بھائی ڈاکٹر وشال نے بہن کی خودکشی کو قتل قرار دیتے ہوئے کہا کہ بہن کو قتل کیا گیا، اسے کوئی مالی یا گھریلو پریشانی نہیں تھی۔