لاستھ ملنگا نے 5 ہیٹ ٹرکس کرکے عالمی ریکارڈ اپنے نام کرلیئے

کولمبو : سری لنکا کے کپتان اور مایہ ناز فاسٹ باﺅلر لاستھ ملنگا نے انٹرنیشنل کرکٹ میں 5 ہیٹ ٹرکس اور ٹی 20 انٹرنیشنل میں 100 وکٹیں حاصل کرکے ورلڈ ریکارڈ اپنے نام کر لیا۔

نیوزی لینڈ کے خلاف تیسرے اور آخری ٹی 20 انٹرنیشنل میں سری لنکا کے کپتان لاستھ ملنگا کی تباہ کن باﺅلنگ کی بدولت نہ صرف اپنی ٹیم کو فتح دلائی بلکہ کئی عالمی ریکارڈز بھی اپنے نام کرلئے۔

یہ بھی پڑھیں : لاستھ مالنگا نے شاہد آفریدی کا ریکارڈ توڑ دیا

انہوں نے مسلسل چار گیندوں پر 4 کیوی بلے باز میدان بدر کئے، یہ ان کی ٹی 20 انٹرنیشنل میں دوسری اور مجموعی طور پر پانچویں ہیٹ ٹرک ہے۔

اس طرح وہ انٹرنیشنل کرکٹ میں پانچ ہیٹ ٹرکس کرنے والے پہلے باﺅلر بن گئے ہیں، اس میچ میں انہوں نے ٹی 20 انٹرنیشنل میں وکٹوں کی سنچری بھی مکمل کی، وہ ٹی 20 انٹرنیشنل میں 100 وکٹیں لینے والے دنیا کے پہلے بھی باﺅلر بن گئے ہیں۔

لاستھ ملنگا نے دوسری بار چار گیندوں پر 4 وکٹیں لینے کا منفرد ریکارڈ بھی اپنے نام کیا، اس قبل انہوں نے 2007 میں جنوبی افریقہ کے خلاف ون ڈے میچ میں چار گیندوں پر چار وکٹیں حاصل کی تھیں۔

واضح رہے کہ پاکستان کے لیجنڈ کرکٹر وسیم اکرم انٹرنیشنل کرکٹ میں 4 ہیٹ ٹرکس کے ساتھ دوسرے نمبر پر ہیں۔

Thanks to everyone for wonderful messages nd support it will not possible without support of u fans n family love u all

— Lasith Malinga (@Lasith99Malinga) September 7, 2019