ن لیگ کے سینئر رہنما انتقال کر گئے

پاکستان مسلم لیگ ن کے رہنما اور رکن پنجاب اسمبلی رانا افضال حسین انتقال کر گئے ہیں۔

خاندانی ذرائع کا بتانا ہے کہ رانا افضال حسین کو اپنی رہائشگاہ پر دل کا دورہ پڑا جو جان لیوا ثابت ہوا اور وہ خالک حقیقی سے جا ملے۔

خاندانی ذرائع نے کہا کہ رانا افضال حسین کی میت آبائی گاؤں ننگل کس والا مریدکے نارووال روڈ پہنچا دی گئی۔

مرحوم رانا افضال حسین وفاقی وزیر صنعت و پیداوار رانا تنویر حسین کے بڑے بھائی اور رکن قومی اسمبلی رانا عتیق انور کے والد تھے۔

ن لیگ سوشل میڈیا ونگ کے انچارج عاطف رؤف نے سوشل میڈیا پلیٹ فارم ایکس پر رانا تنویر حسین کے انتقال کی تصدیق کی اور کہا کہ مرحوم کی نماز جنازہ کا اعلان بعد میں کیا جائے گا۔