پاکستانی کرکٹر نے غیر مسلم بھارتی لڑکی سے منگنی کرلی

پاکستانی کرکٹر رضا حسن نے بھارت سے تعلق رکھنے والی غیر مسلم لڑکی سے منگنی کرلی۔

میڈیا رپورٹس کے مطابق 32 سالہ رضا حسن اور غیر مسلم بھارتی لڑکی پوجا کی منگنی نیویارک میں ہوئی اور دونوں کی شادی آئندہ برس فروری میں ہوگی۔

نجی میڈیا رپورٹ میں رضا حسن کی گفتگو کا حوالہ دیتے ہوئے بتایا گیا ہے کہ حسن اور پوجا کی شادی کی باقاعدہ اگلے برس فروری میں ہونے کا امکان ہے۔

مزید پڑھیں: چیمپئینز ٹرافی؛ بھارتی ٹیم پاکستان آئے گی یا نہیں؟ بڑا فیصلہ آگیا

منگیتر کے غیر مسلم ہونے کے حوالے سے گفتگو کرتے ہوئے رضا حسن کا کہنا تھا کہ پوجا مذہب اسلام میں گہری دلچسپی رکھتی ہیں اور جلد ہی مسلمان ہونے کا ارادہ رکھتی ہیں۔

واضح رہے کہ رضا حسن اب پاکستان کوچھوڑ کر امریکا منتقل ہوچکے ہیں، وہ ایک ون ڈے اور 10 ٹی20 انٹرنیشنل میچز میں پاکستان کی نمائندگی کرچکے ہیں۔