ملکی سلامتی اقتصادی ترقی سے وابستہ ہے : آرمی چیف جنرل قمر جاوید باجوہ

راولپنڈی:  آرمی چیف جنرل قمر جاوید باجوہ نے کہا ہے کہ ملکی سلامتی اقتصادی ترقی سے وابستہ ہے۔ ملک میں کاروبار اور اقتصادی ترقی کے لئے پاک فوج تاجروں کی ہر ممکن مدد کرے گی۔

پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل قمر جاوید کی زیر میزبانی میں آرمی آڈیٹوریم میں معیشت اور سیکیورٹی کے باہمی اثر و نفوذ کے عنوان سے سیمینار کا انعقاد ہوا، جس میں حکومت کی معاشی ٹیم اور ملک کے تاجروں نے شرکت کی۔

تاجر وفد نے آرمی چیف سے ملاقات میں ملک کو اقتصادی چیلنجز سے آگاہ کیا۔ حکومتی معاشی ٹیم بھی تاجروں سے ملاقات میں موجود تھی۔ آئی ایس پی آر کے مطابق سیمینار کے انعقاد کا مقصد ہم آہنگی کو فروغ دینے کے لیے تجاویز تیار کرنا تھا۔

یہ بھی پڑھیں : پاکستان کاروبار میں آسانیاں پیدا کرنے والا ملک بن رہا ہے : مشیر خزانہ

پاک فوج کے شعبہ تعلقات عامہ کے مطابق ایسے مباحثوں کا مقصد تمام فریقین کو ایک پلیٹ فارم مہیا کرنا ہے، اقتصادی ٹیم نے تاجر برادری کو حکومتی اقدامات سے آگاہ کیا۔

سیمینار سے خطاب میں آرمی چیف کا کہنا تھا کہ قومی سلامتی کا تعلق معیشت سے ہے اور ملک میں داخلی سیکیورٹی کی صورتحال میں بہتری آئی ہے۔ سیکیورٹی صورتحال میں بہتری کے اقتصادی سرگرمیوں پر اثرات مرتب ہوئے ہیں۔

آرمی چیف نے کہا کہ  نجی اور سرکاری اداروں میں بڑھتے ہوئے روابط مثبت اقدام ہیں۔

Sequel to discussions and seminars on ‘Interplay of economy and security’, a concluding session of stake holders hosted by COAS was held at Army Auditorium. Govt economic team and businessmen of the country participated. (1of2). pic.twitter.com/zbwf8kL3WR

— DG ISPR (@OfficialDGISPR) October 3, 2019