پاکستان اور سری لنکا کے درمیان تیسرا ون ڈے میچ آج کھیلا جائے گا

کراچی: پاکستان اور سری لنکا کی کرکٹ ٹیموں کے درمیان تین ایک روزہ بین الاقوامی میچوں پر مشتمل سیریز کا تیسرا ون ڈے میچ آج نیشنل کرکٹ اسٹیڈیم کراچی میں کھیلا جائے گا۔

تفصیلات کے مطابق پاکستان کو مہمان ٹیم پر 1-0 کی برتری حاصل ہے، پاکستان کرکٹ ٹیم کی قیادت سرفراز احمد کریں گے، جبکہ مہمان سری لنکن ون ڈے ٹیم کی قیادت لاہیرو تھریمانے سرانجام دیں گے۔

یہ بھی پڑھیں : دوسرا ون ڈے : سری لنکا کو 67 رنز سے شکست

شیڈول کے مطابق دونوں ٹیموں کے درمیان تین ون ڈے انٹرنیشنل میچوں کی سیریز کا پہلا میچ جمعہ کو ہونا تھا جو بارش کے منسوخ کر دیا گیا تھا۔

موسم کی صورتحال کو دیکھتے ہوئے پاکستان کرکٹ بورڈ نے دوسرے میچ کا شیڈول تبدیل کر دیا تھا اور دوسرا ون ڈے میچ 30 ستمبر کو کھیلا گیا۔

جس میں پاکستان نے مہمان ٹیم کو 67 رنز سے شکست دیکر سیریز میں 1-0 کی برتری حاصل کرلی ہے، جبکہ تیسرا اور آخری ون ڈے میچ آج بدھ 2 اکتوبر کو کھیلا جائے گا۔

یاد رہے کہ ون ڈے سیریز کے بعد دونوں ٹیموں کے درمیان تین ٹی ٹونٹی انٹرنیشنل میچوں کی سیریز کا آغاز 5 اکتوبر کو ہوگا۔

دوسرا ٹی ٹونٹی میچ 7 اکتوبر کو کھیلا جائے گا جبکہ تیسرا اور آخری ٹی ٹونٹی کرکٹ میچ 9 اکتوبر کو کھیلا جائے گا۔ تینوں ٹی ٹونٹی کرکٹ میچز لاہور میں کھیلے جائیں گے اور تینوں میچز نائٹ ہوں گے، جو برقی قمقموں کی روشنی میں کھیلے جائیں گے۔

یاد رہے کہ سری لنکن ٹیم 10 سال کے بعد کراچی آئی ہے۔ مہمان ٹیم کے لئے سیکیورٹی کے فول پروف انتظامات کئے گئے ہیں۔

The Ws reunite! 💚#PAKvSL pic.twitter.com/0445ILx7dB

— Pakistan Cricket (@TheRealPCB) 2 octobre 2019